باردۆخی توندکردنی سزای تاوانی کوشتنی بەئەنقەست - ماددەی (٤٠٦) لەیاسایی سزادانی عێراقی

❗️ھەر کەسێك کەسێکی تر لە یەکێك لەو بارودۆخانەی خوارەوە بکوژێت بە لەسێدارەدان سزا دەدرێت:

1- ئەگەر پێشتر نیازی کوشتنی ھەبێت و سووربێت لەسەر کوشتنی یان بۆسە و کەمینی بۆ دانابێت (خوتەی کوشتنی داڕشتبێت).

2- ئەگەر کوژراو لەباوانی بکوژ بێت.

3- ئەگەر کوشتنەکە بەھۆی ماددەی ژەھراوی بوون بێت یان تەقەمەنی یان تەقینەوە بووبێت.

4- ئەگەر کوشتنەکە لەبەرامبەر کرێ بووبێت یان ئەگەر تاوانبار ڕێگای دڕندانەی لە ئەنجامدانی تاوانەکە بەکارهێنابێت.

5- ئەگەر تاوانبار مەبەستی کوشتنی دووکەس یان زیاتر هەبوو بە یەک کردەوە هەردووکیانی کوشتبێت.

6- ئەگەر کوژراو فەرمانبەر بێت یان کەسی ڕاسپێردراو بە خزمەتی گشتی لە کاتی بەجێگەیاندنی کاری فەرمانبەری یان بەهۆی کارەکەی کوشتبێتی.

7- ئەگەر کوشتنەکە بۆکار ئاسانی بێت تاوانێك یان کەتنێک کە سزاکەی بەندکردن بێت و لە ساڵێک کەمتر نەبێت یان تاوانەکە بۆ ئەوە بێت کە ڕابکات یان لە سزادان ڕزگاری بێت.

بڵاوکراوەتەوە لە لایەن :
پارێزەر احمد علی پاڵانی